Dekabrın 10-da Opera Studiyasında Əməkdar artistlər Ramil Qasımov və Emil Əfrasiyabın "Zamansız nəğmələr" adlı konserti keçiriləcək.

 

Konsertdə dünya və Azərbaycan musiqisindən seçilmiş əsərlər yeni interpretasiyada və yeni üslubda təqdim olunacaq.

Proqramda Ramil Qasımovun ifasında Tofiq Quliyev, Elza İbrahimova, Oqtay Kazımi, Cahangir Cahangirov, Ramiz Mirişli və Siyavuş Kəriminin əsərləri səslənəcək.

Pianoçu Emil Əfrasiyab isə gecədə dünya və Azərbaycan caz musiqisindən nümunələr ifa edəcək.