İstanbulda keçirilən 6-cı “Korkut Ata” Türk Dünyası Film Festivalının bağlanış mərasimi keçirilib. Tədbirdə festivalın qaliblərinə mükafatlar təqdim olunub.
Azərbaycanın Mədəniyyət Nazirliyinin tabeliyindəki Kino Agentliyinin dəstəyi ilə istehsal olunan “Azıx mağarası: Azərbaycanın beşiyi” sənədli filmi münsiflər heyətinin xüsusi mükafatına layiq görülüb. “Azərbaycan irsinə səyahət” silsiləsinə daxil olan filmin çəkilişləri “Alpha Prodüksion və Ajans Hizmetleri” şirkəti tərəfindən həyata keçirilib.
Kino Agentliyinin dəstək verdiyi “Tağıyev: Məktəb” filminin rejissoru Zaur Qasımlı “Ən yaxşı rejissor” mükafatını qazanıb. Film Bakı Media Mərkəzi tərəfindən istehsal olunub.
Qeyd edək ki, “Korkut Ata” Festivalının əsas mükafatı Türk dünyasının birliyini simvolizə edən “Durna quşu” fiqurudur.