Respublika və Beynəlxalq müsabiqələr qalibləri, Beynəlxalq Türk Mədəniyyəti Təşkilatı TÜRKSOY Xalq Çalğı alətləri orkestrinin solistləri, Azərbaycan Milli Konservatoriyasının və Azərbaycan Dövlət Mədəniyyət və İncəsənət Universitetinin müəllimləri, eyni zamanda, "Vətən" Muğam Qrupunun üzvləri - xanəndə Səfalı Mirzəliyev, tarzən Ruslan Zərbaliyev, kamança ifaçısı Pərviz Fərhadov, nağara İfaçısı Elnur Əliyev Özbəkistan Qoşulmama Hərəkatının Parlament Şəbəkəsinin IV Konfransının nümayəndə heyyəti qarşısında konsert proqramı ilə çıxış edib.
120 ölkənin iştirak etdiyi tədbir 6 Aprel 2025-ci ildə Özbəkistan Respublikasının paytaxtı Daşkənt şəhərində baş tutub. Konsert böyük maraq və qonaqların ayaqüstə alqışları ilə qarşılanıb.
Qeyd edək ki, konsertdə Türk Mədəniyyəti İrsi Fondunun Prezidenti Aktotı Raimkulovada iştirak edib.