М.Maqomayev adına Azərbaycan Dövlət Akademik Filarmoniyasının səhnəsində Ümummilli Lider Heydər Əliyevin xatirəsinə həsr olunmuş anım gecəsi keçirilib.
Tədbirdə Üzeyir Hacıbəyli adına Azərbaycan Dövlət Simfonik Orkestrinin müşayiətilə solistlər - Xalq artistləri Gülnaz İsmayılova, Samir Cəfərov, Əməkdar artist Ramil Qasımov və Emin İsmayılov çıxış ediblər.
Konsertin bədii rəhbəri və baş dirijoru Əməkdar artist Fuad İbrahimov olub.
Anım gecəsində Aqşin Əlizadənin 4 saylı Simfoniya, Qara Qarayevin “Yeddi gözəl” baletindən Adagio, Üzeyir Hacıbəylinin “Sənsiz” romans-qəzəli, Süleyman Hacıbəyovun “Karvan” simfonik lövhəsi, Asəf Zeynallının “Ölkəm” romansı, Arif Məlikovun “Məhəbbət əfsanəsi” baletindən Noktürn, Sevil Əliyevanın “Ana”, Fərhad Bədəlbəylinin “Ave Mariya” və Fikrət Əmirovun “Azərbaycan Kapriççiosu” əsərləri səslənib.