YARAT-da müzakirə: Müasir incəsənətdə dəyişən perspektiv metafora kimi

Dekabrın 2-də YARAT Müasir İncəsənət Mərkəzində “Müasir incəsənətdə dəyişən perspektiv metafora kimi” adlı panel müzakirəsi təşkil olunacaq.

Müzakirədə "Multiperspektivdə" qrup sərgisi konsepsiyasının müxtəlif aspektlərindən bəhs ediləcək.

Moderatoru Fırat Arapoğlu olacaq müzakirə türk dilində aparılacaq.

Xatırladaq ki, dekabrın 1-də YARAT Müasir İncəsənət Məkanı 17 rəssamın – Setenay Alpsoy, Selçuk Artut, Vahap Avşar, Osman Bozkurt, İpek Duben, Işıl Eğrikavuk və Jozef E. Amado, Nezaket Ekici, Cevdet Erek, Ahmet Rüstem Ekici və Hakan Sorar, Özlem Günyol və Mustafa Kunt, Hakan Gürsoytrak, Ali Kazma, Serhat Kiraz və Seyhun Topuzun yeni yaradılmış, həmçinin ən son illərin əsərlərindən ibarət "Multiperspektivdə" adlı yeni qrup sərgisini təqdim edəcək.