Brüs Uillis və Mayk Tayson eyni ekran əsərində rol alıblar

Hollivud ulduzu Brüs Uillis "Vendetta. Atlanta dəstələri" adlı döyüş filmində Mayk Taysonla birlikdə rol alıb.

RİA Novosti saytı xəbər verir ki, Brüs Uillis və Mayk Taysonun rol aldığı "Vendetta. Atlanta dəstələri" adlı döyüş trilleri nümayişə çıxarılıb.

Film keçmiş dəniz piyadası Uilyamın qızını necə itirməsindən bəhs edir. O, təsadüfən cinayətkar küçə dəstələrinin qarşıdurmasının qurbanı olur. Polis hərəkətsiz olduğu halda, Uilyam cinayətkarları özü tapıb cəzalandırmaq qərarına gəlir. Lakin sonra məlum olur ki, bu məsələdə böyük bir mafiya başçısının oğlu günahkardır, ona görə də Uilyam mafia dəstələri arasında qarşıdurmanın mərkəzinə düşür.

Qeyd edək ki, filmdə həmçinin Teo Rossi, Ceki Mur, Klayv Standen, Tomas Ceyn rol alıb. Filmin rejissoru və ssenari müəllifi daha əvvəl aktyor Brüs Uillislə işləmiş Jared Kondur.