“Netflix” baş rolda Vill Smitin oynadığı "Parlaqlıq" trillerinin davamını çəkməkdən imtina edib.
Xarici KİV-lər xəbər verir ki, bu barədə “Bloomberg” şirkətinin müxbiri Lukas Şou öz tviter hesabında yazıb.
Eyni zamanda, “National Geographic” şirkəti də V.Smit ilə layihəni dayandırdığını bildirib. Aktyor bu layihədə aparıcı kimi “Qütbdən qütbə” adlı sənədli filmində rol almalı idi, lakin çəkilişlər payıza qədər təxirə salınıb.
Qeyd edək ki, Amerika Kino Akademiyası V.Smitin on il ərzində “Oskar” da daxil olmaqla öz tədbirlərində iştirakını qadağan edib.