Gəncə Dövlət Dram Teatrı mayın 19-20-də Azərbaycan Dövlət Akademik Musiqili Teatrının səhnəsində "Cavad xan" tamaşasını təqdim edəcək.
Yazıçı-dramaturq Nüşabə Əsəd Məmmədlinin yazdığı “Cavad xan” tamaşasında Cavad xan rolunu Əməkdar artist Elxan Yunis, Cavad xanın həyat yoldaşı obrazını isə Xalq artisti Pərvanə Qurbanova ifa edəcək.
Tamaşanın quruluşçu rejissoru Əməkdar incəsənət xadimi Əsgər Əsgərov, rejissoru isə Elşad Əhmədovdur.
Səhnə əsəri üçün biletləri şəhərin bütün teatr-konsert kassalarından və “ASAN xidmət” mərkəzlərindən, eləcə də “iticket.az” saytından əldə etmək olar. Kollektiv sifarişlər də qəbul olunur.