Azərbaycan mədəniyyətinə ağır itki üz verib.
Xalq artisti Əlibaba Məmmədov 92 yaşında dünyasını dəyişib.
Qeyd edək ki, Əlibaba Məmmədov 1930-cu il fevralın 5-də Bakının Maştağa kəndində anadan olub. Xanəndənin böyük məharətlə ifa etdiyi “Rast”, “Bayatı Şiraz”, “Rahab”, “Dəşti” və başqa muğam-dəsgahlarının səsyazıları Azərbaycan Televiziyasının "Qızıl Fond"unda saxlanılır. Əlibaba Məmmədov 100-dən artıq mahnı və təsniflər yaradıb ki, onlar da xanəndələrin repertuarlarına daxil edilib.
Xalq artisti “İnandır məni”, “Yaşa hələ”, “Sən gərək güləsən”, “Səni gözlər” kimi məşhur mahnıları səsləndirib.
1963-cü ildə Azərbaycanın əməkdar artisti, 1989-cu ildə Xalq artisti fəxri adlarını alıb. “Şöhrət”, “Şərəf” və “İstiqlal” ordenləri ilə təltif olunub.
Mədəniyyət Nazirliyindən verilən məlumata görə Xalq artisti Əlibaba Məmmədov I Fəxri xiyabanda dəfn olunacaq.