Dünya pop musiqisinin kralı, əfsanəvi Maykl Ceksonun həyatı barədə film çəkiləcək. “Maykl” adlı yeni bioqrafik ekran işini məşhur prodüser Qrem Kinq lentə alacaq.
Milyonların kumiri olan Maykl Ceksonun həyatı filmə çevrilir. “Lionsgate” şirkəti artıq hazırlıqlara başladığını açıqlayıb. “Maykl” adlı bioqrafik filmdə dünya ulduzuna qarşı ittihamlardan da danışılacaq. Onun əleyhinə irəli sürülən uşaq istismarı iddiaları, bunların ulduzun karyerasına, 2009-cu ildə ölümünə qədər həyatına təsirləri müzakirə ediləcək. “Filmin ssenari müəllifi məşhur “Qladiator” və “Təyyarəçi” filmlərinin müəllifi, üçqat “Oskar” sahibi Con Loqandır. Rejissor isə məşhur prodüser Qrem Kinqdir. Filmdə Maykl Ceksonu kimin canlandıracağı hələlik məlum deyil. Xatırladaq ki, “Billie Jean”, “Beat It”, “Thriller”, “The Way You Make Me Feel” və “Man in the Mirror” kimi bir çox hitlərə imza atan Cekson 400 milyondan çox albom satışı ilə musiqi tarixinin ən çox satılan əfsanələrindəndir.
Fəridə Hüseynli