Avstriya 67-ci Avroviziya mahnı müsabiqəsinin iştirakçılarını elan edib. İtaliyanın Turin şəhərində keçiriləcək müsabiqədə ölkə dj Lumix və Pia Maria dueti ilə təmsil olunacaq. Avroviziyada səslənəcək musiqi nömrəsi isə hələ mart ayında təqdim ediləcək.
Avstriyanın müsabiqənin birinci yarımfinalının ikinci hissəsində çıxışı gözlənilir. Əsl adı Luca Mixlmayer olan dj, prodüser Lumix Avstriyada kifayət qədər tanınır. O, spotify tətbiqində dünya üzrə ən çox dinlənilən musiqiçilər sırasında 457-ci yerdə dayanır. Bu da Lumixi Avroviziya 2022-ci il mahnı müsabiqəsinin diqqət mərkəzində olan musiqiçilərindən biri kimi daha da məşhurlaşdırır. Duet tərəfdaşı Pia Maria isə 18 yaşlı vizajist və musiqiçidir. Avroviziya səhnəsi onun üçün ilk böyük səhnə təcrübəsi olacaq.