Azərbaycan Rəngkarlıq Muzeyində rəssamlığa həvəsi olan 16 yaşdan yuxarı gənclər üçün nəzərdə tutulmuş “Özünü kəşf et” adlı ustad dərslərinin fevral proqramı açıqlanıb.
İlk dərs fevralın 2-də Gülarə İsrafilovanın iştirakı ilə “Abstrakt portret” mövzusuna həsr ediləcək.
Növbəti dərslər fevralın 9-da Miraslan Zeynin iştirakı ilə “Fiqurativ və abstrakt”, 16-da Anar Hüseynzadənin iştirakı ilə “Sərhədsiz Abşeron”, 23-də isə Gülnarə Ələkbərlinin iştirakı ilə "Linoqravüra" mövzularına həsr olunacaq.
Qeyd edək ki, təcrübəsindən asılı olmayaraq hər kəs dərslərdə iştirak edə bilər. Bütün ləvazimatlar muzey tərəfindən qarşılanır.
Yerlər məhdud olduğundan qeydiyyatdan keçmək zəruridir. Qeydiyyat çərşənbə axşamı – bazar günü saat 12:00-dan 20:00-dək aparılır.
Ustad dərsləri ödənişsizdir.