Azərbaycanın Xalq artisti, məşhur opera müğənnisi Yusif Eyvazov Ispaniyada növbəti dəfə çıxış edəcək.
Dünyaşöhrətli opera müğənnisi, Azərbaycanın Xalq artisti Yusif Eyvazovun iştirakı ilə dahi Rus bəstəkarı Pyotr Çaykovskinin “Qaratoxmaq qadın” operası növbəti dəfə nümayiş olunacaq. Xalq artisti tamaşada Qerman partiyasında çıxış edəcək.
“Qaratoxmaq qadın” operası yanvarın 26-da İspaniyanın Barselona şəhərindəki “Liseo” Böyük Teatrının səhnəsində nümayiş olunacaq. Səhnə əsəri, həmçinin fevral ayının 1-11 tarixləri arasında da ispan tamaşaçılarına təqdim ediləcək. Yusif Eyvazovun iştirakı ilə “Qaratoxmaq qadın” operası daha əvvəl Sankt-Peterburqdakı Marinski Teatrı və Mosvkanın Böyük Teatrının səhnəsində də nümayiş olunub.
Ülviyyə Heydərova