Mədəniyyət Nazirliyi və “Bravo” marketlər şəbəkəsinin dəstəyi, Azərbaycan Dövlət Rəsm Qalereyasının təşkilatçılığı ilə 23 - 29 may tarixlərində “AXIN” qrupunun rəssamlara dəstək yarmarkası keçiriləcək.
Yarmarka zamanı rəssamların kiçik ölçülü rəngkarlıq, heykəltəraşlıq nümunələrinin satışı ilə yanaşı, müxtəlif əyləncəli və öyrədici təsviri sənət mövzulu aksiyalar da keçiriləcək. Satış-yarmarkası rəssamlara dəstək məqsədilə saat 17:00-dan 20:00-dək Koroğlu metro stansiyasının yaxınlığında yerləşən “Bravo” hipermarketdə reallaşacaq.