Misirdə Azərbaycan dilini tədris edən mərkəzdə dahi Azərbaycan şairi və mütəfəkkiri Nizami Gəncəviyə həsr olunmuş 8 dəqiqəlik videoçarx təqdim olunub. Ərəb tamaşaçılarına xitab edən maraqlı videomaterial YouTube kanalında da yerləşdirilib və Misirin “Aldiplomacy”, “Worldnewnews” portallarında işıqlandırılıb.
Videomaterialda Nizami Gəncəvinin Bakıdakı abidəsi, Gəncədəki məqbərəsi, həyat və yaradıcılığı haqqında ətraflı məlumat verilir. Onun poemalarından ərəbcə parçalar səsləndirilir, əsərlərindəki əxlaq, mənəviyyat, ədalətin tərənnümü və Quran hekayələri önə çıxarılır.