Qırğızıstanın paytaxtı Bişkekdə “Böyük dövlətlərin Azərbaycan torpaqlarında erməni dövləti yaratmaq oyunları” adlı kitab nəşr edilib. Erməni saxtakarlığından bəhs kitab Qırğızıstanda fəaliyyət göstərən “Türkdilli Dövlətlərin Siyasətinə Dəstək Fondu”nun təşəbbüsü ilə rus dilində çap edilib.
Nəşrdə erməni tarixçiləri və onların havadarlarının uydurduqları saxta tarixə dair faktlar verilib və çar Rusiyasının 18-ci əsrdə Azərbaycan ərazisində erməni dövləti yaratmaq siyasəti tədqiq edilib. Müəllifləri akademik Yaqub Mahmudov və dosent Güntəkin Nəcəfli olan kitaba arxiv sənədləri, imperatorun göstərişləri, erməni saxtakarlığını ifşa edən tarixi materiallar da daxil edilib.