Filmsevərlərə şad xəbərimiz var. Belə ki, “Qodzilla King-Konqa qarşı“ filminin ilk treyleri təqdim edilib.
“Qodzilla və King Kong” haqqında film daha əvvəl 1962-ci ildə Yaponiyada nümayiş etdirilib. Qısa zamanda izləyiciləin rəğbətini qazanan ekran əsəri Toho studiyasının 30 illiyinə həsr olunub və bu zamana qədər Qodzilla haqqında çəkilən ən uğurlu film hesab olunur. “Qodzilla King-Konqa qarşı” Amerika və Yaponiyanın birgə istehsalı olan fantastik trillerində isə həm klassik, həm yeni obrazlar filmə rəng qatacaq. Filmdə 2 məşhur bədheybət - Qodzilla və King Kong üz-üzə gələcək. Məhz, həyacan dolu anlar bundan sonra başlayır. Təqdimat çarxında Qodzilla və King-Konq gərgin bir döyüşdə sona qədər mübarizə aparırlar. Kimin qalib gələcəyi isə hələ ki, müəmmalıdır. Qeyd edək ki, “Bədheybətlər kralı: Qodzilla” filminin ulduzu Milli Bobi Braun da yeni ekranlaşdırmada iştirak edir. Eləcə də, yaradıcı heyətə yeni aktyorlar - Aleksandr Skarsqard, Rebekka Xoll da daxil edilib. Rejissoru Adam Vinqard olan filmin premyerası martın 26-da gözlənilir.