Pandemiyanın yaratdığı böhran nəticəsində turizm sektorunda müşahidə olunan tənəzzül digər ölkələrdə olduğu kimi, Azərbaycanda da müşahidə edilir.
Dövlət Sərhəd Xidmətinin məlumatına əsasən 2020-ci ilin yanvar-noyabr aylarında Azərbaycana dünyanın 155 ölkəsindən əvvəlki ilin müvafiq dövrü ilə müqayisədə 3,9 dəfə az əcnəbi və vətəndaşlığı olmayan şəxs gəlib. Səfərlər əsasən qeyri-turizm məqsədilə həyata keçirilib. Gələnlərin 80,3 faizini kişilər, 19,7 faizini qadınlar təşkil edib. Bu müddət ərzində xarici ölkələrə səfər edən Azərbaycan Respublikası vətəndaşlarının 74,3 faizi dəmir yolu və avtomobil, 22,9 faizi hava, 2,8 faizi isə dəniz nəqliyyatından istifadə edib. Ötən ilin yanvar-noyabr ayları ilə müqayisədə xarici ölkələrə səfər edən Azərbaycan Respublikası vətəndaşlarının da sayında kəskin azalma var.