Pandemiya ilə əlaqədar tətbiq edilən karantin rejiminin müsbət tərəfləri də çoxdur. Məsələn, evdə qalmağa məcbur olan yaradıcı insanlar vaxtlarını müftə xərcləməyiblər. Elə dünyaşöhrətli musiqiçi Pol Makkartni kimi...
Məşhur “The Beatles” rok qrupunun üzvü, tanınmış müğənni, bəstəkar və prodüser Ser Ceyms Pol Makkartni karantindən səmərəli istifadə edib. İngiltərədə pandemiya ilə əlaqədar tətbiq edilən lokdaunu özünə görə “rokdaun” adlandıran Makkartni evindəki studiyasında yeni albomunu hazırlayıb.
Britaniyalı musiqiçi Pol Makkartni yeni albomu haqqında bunları deyib: "Albomum lokdaun, yaxud da bizim adlandırdığımız kimi rokdaun dövründə ərsəyə gəlib. Doğurdan da, sırf vaxtımı xoş keçirmək və zövq alaraq işləmək təsviredilməz hissdir. Bir neçə köhnə mahnını yenidən işlədim, həm də yeni treklər yazdım. Budur, nəticədə 11 mahnı hazırlamışam. Düzü, bilmirdim bütün bu mahnılarla nə edim, heç albom olacağını da düşünməmişdim. Ancaq “Makkartni 1” və “Makkartni 2” albomlarında olduğu kimi bu dəfə də bütün alətlərdə özümün ifa etməyim yeni albom ideyasanı yaratdı".
“Makkartni-3” adlanan albomuna daxil etdiyi bütün mahnıları özü bəstələməklə yanaşı, həm oxuyub, həm də musiqi alətlərində müşayiət edib. Onun bu silsilədən olan ilk albomu 1970-ci ildə, “Makkartni-2” isə 10 il sonra işıq üzü görüb.
Pop-musiqinin virtuoz dahisi olan Pol Makkartninin sayca 18-ci solo albomu tənqidçilərin də böyük rəğbətini qazanıb. Albom 15 min müxtəlif nüsxədə təqdim edilib