71 illik ömrün səhnə əsərləri. Atabala Səfərov ona bəxş edilən ömrünü tamaşalarda canlandırdığı obrazılarda yaşadı.
Üzümüzdə gülüş yaradan səhnələr, zarafata çevrilən ifadələr... Atabala Səfərov “ Evləri köndələn yar” teletamaşasında canlandırdığı bərbər obrazı ilə tamaşaçılara gülüş bəxş edib....
Atabala Osman oğlu Səfərov - 1949-cu ildə Şabran şəhərində anadan olub. Azərbaycan Dövlət İncəsənət İnstitutunun aktyorluq fakültəsini bitirən sənətkar Musiqili Komediya və Gənc Tamaşaçılar Teatrında fəaliyyət göstərib. "Subaylarınızdan görəsiz" tamaşasında Seyfi, "Səhnədə məhəbbət"də Milyonçu, "Bir saat xəlifəlik"də Bəhlul Danəndə, "Bir günlük siğə"də Qazi, "Şeytanın yubileyi"ndə Səlim rolları ilə tamaşaçıların görüşünə gəlib. O, həmçinin, müxtəlif film və teletamaşalarda: "Adı sənin, dadı mənim", Müəmmalı yubiley , "Əlavə təsir", "Topal Teymur" və digər səhnə əsərlərində uğurla çıxış edib.
Atabala Səfərov 2012-ci il mayın 9-da Əməkdar artist fəxri adına layiq görülüb. O, bu dünyadan köçsə də canlandırdığı obrazlarla uzun müddət tamaşçıların qəlbində yaşayacaq sənətkarlardandır.