Məlahət xanım 20 ildən çoxdur ki, professional rəssam kimi fəaliyyət göstərir. Onun əl işləri arasında portret, peyzaj, natura və digər janrlara rast gəlmək mümkündür. Lakin bir neçə ildir ki, şəhidlərimizin də şəkillərini əbədiləşdirən xanım rəssamımız hazırda İkinci Qarabag müharibəsində Agdaş rayonundan olan şəhidimiz Kənan Məmmədovun portreti üzərində işləyir.
Rəssamın şəhidlərimizlə baglı portretləri Azərbaycanın qəhrəmanlıq səlnaməsinə çevrilən Milli qəhrəmanımız Mübariz İbrahimovla başlayır, Qarabag savaşında çox mühim səhifələrdən biri olan aprel döyüşləri şəhidi, milli qəhrəman Murad Mirzəyevlə davam edir və İkinci Qarabag müharibəsi şəhidləri ilə sona çatır.
Halhazırda 32 şəhid portreti üzərinbə işləyirəm onlardan 15-i artıq hazırdır.
Məlahət xanım deyir ki, şəhidlərin portretlərini texniki baxımdan çəkmək o qədər çətin olmasa da, insani baxımdan çox çətindir. Çünki portreti çəkərkən onların gözlərindəki o gülüşü, kədəri əks etdirdiyin zaman kövrəlməmək mümkün deyil. Şəhidlərimizi çəkəndə bayragı da mütləq çəkirəm fonda...
Portretlərdən savayı rəssamın əl işləri arasında Qarabağ müharibəsinə, ümumilikdə, Qarabaga həsr edilmiş bir çox rəsmlərə rast gəlirik. Söz verib amma gələ bilməyən əsgərimizin yarıda qalan sevgisinə, Şuşanın simvolu Xarıbülbülə, Qarabağdaki abilərimizin rəsmlərinə və bu kimi digər rəsmlərə... Məlahət xanım onu da deyir ki, bu hələ son deyil. İkinci Qarabag müharibəsində şəhidliyə ucalan hər bir əsgərimizin, zabitimizin şəklini çəkəcək.
Məlahət xanım çəkdiyi bu portretləri yekunda həmin şəhidlərin ailələrinə bir-bir təqdim edəcək. Deyir, əlindən gələn budur. Ogullarını onlara qaytara bilmərik, amma xatirələrini əbədi yaşatmaq vətəndaşlıq borcumuzdur.
TEMA: PORTRETLƏRDƏ YAŞAYAN ŞƏHİDLƏRİMİZ