Ukraynanın Kişilərdən İbarət Xor Ansamblı maraqlı addım atıb. Xorun solistlərı Azərbaycan xalq mahnılarını ifa edib. Ümumiyyətlə, xorun repertuarı iki dildə təqdim edilir.
Ukrayna xor ansamblı "Ukraynada yaşayan xalqların mahnıları" layihəsində iştirak etmək üçün Azərbaycan bəstələrini seçib. Kiyevdəki Lev Revutski Bələdiyyə Akademik Kişi Xorunun solistləri məşhur Azərbaycan xalq mahnıları olan "Ağacda alma" və "Sarı gəlin" mahnılarını ifa ediblər.
Vokalçılar bəstələri Azərbaycan və Ukrayna olmaqla iki dildə təqdim ediblər. Tezliklə "Ukraynada yaşayan xalqların mahnıları" layihəsi çərçivəsində keçiriləcək konsertdə də bu mahnıların təqdim ediləməsi nəzərdə tutulub.
Xatırladaq ki, Akademik Xor kapellası Ukraynada yeganə peşəkar kişi kollektividir. Onların repertuarı əsasən, kilsə slavyan incilərindən, klassik, xalq və xarici xor musiqisindən, həmçinin, alətlərlə müşayiət olunan əsərlərdən ibarətdir. Baş dirijorları Vladimir Kuraça olan kollektiv bu il 50 illiyini qeyd edir.