Xalq artisti Yusif Eyvazov Londonun Kral Opera Teatrında çıxış edəcək

 Dramatik tenor, Azərbaycanın Xalq artisti Yusif Eyvazov və  Anna Netrebko  Londonun Kral Opera teatrında çıxış edəcəklər…

“Cakomo Puççininin “Toska” tamaşası pandemiyadan sonra  ilk tam şəkildə səhnələşdirilmiş opera quruluşu olacaq”. Bu sözləri Opera müğənnisi, Azərbaycanın Xalq artisti Yusif Eyvazov deyib. Londonun Kral Opera Teatrında məşhur tenor xanımı dünya operasının ulduzu, soprano  Anna Netrebko ilə birgə çıxış edəcək.

Konvent Qarden Londonun və bütün Birləşmiş krallığın ən məhşur , əzəmətli teatrlarından biridir. Kraliçanın himayədarlığında olan bu teatrın prezidenti Uels şahzadəsi Çarlzdır. 

Qeyd edək ki Anna Netrebko, Rusiyanın müasir tarixində ən istedadlı opera müğənnilərindən biri hesab olunur. Ən çox diqqət çəkən əsərləri arasında "Ruslan və Lyudmila", "Boris Godunov", "Sevilya Bərbəri", "Çar Gəlini", "Don Juan", "Rigoletto", "Bohema" və bir çox başqa operalarda rolları var. Həyat yoldaşı Yusif Eyvazov da həmçinin bir sıra beynəlxalq müsabiqələrin, CanandrEa QavadzEni (Gianandrea Gavazzeni) adına Fəxri Medalın laureatı və Qran Pri mükafatçısıdır. "La Skala" Milan operası və Monte-Karlo Kral Operasının  kollektivləri ilə birlikdə dünya səhnələrində çıxış edib.