Bu gün bütün dünyanın gözü Azərbaycanda, paytaxtımız Bakıda olub. Çünki ölkəmiz öz möhtəşəm zəfərini qeyd edib. Elə bu münasibətlə də müxtəlif ölkələrin nümayəndələri də ölkəmizə öz dəstəyini bildirib.
İsrailli opera müğənnisi, "Azİz" İsrail-Azərbaycan beynəlxalq assosiasiyasının idarə heyətinin üzvü Kameliya Yoffe Azərbaycan musiqisi konserti təşkil edib. Konsert iştirakçıları öz çıxışlarını Bakıdakı Zəfər paradına həsr edib.
”Arşın mal alan”dan bir səhnəcik göstərən israilli sənətçi İsraildə yaşasa da Bakıda dogulub, böyüyüb. Lakin sonradan ailəsi ilə birgə İsrailə köçsələr də Kamelia Yofee hər zaman öz dogma Azərbaycan musiqisinə müraciət edib. Müsahibələrindən birində musiqimiz haqqında xeyli gözəl sözlər deyən Kamelia buradan köçdükdən sonra Bakıya gəlmədiyinə görə təəsüfləndiyini də vurğulayıb. Mügənni bu gün şəhərimizdə keçirilən zəfər paradına isə biganə qalmayıb və o, bu münasibətlə konsert də keçirib.
Məşhur opera müğənnisi ölkəmiz və mədəniyyətimizlə baglı, həmçinin, vurgulayıb ki, İsrail və Azərbaycan son illərdə çox sıx əməkdaşlıq edir. “İsraildən çox sayda turist Azərbaycana gəlir. Konsertlərimdə çox vaxt gözəl və qeyri-adi Azərbaycan mahnılarından istifadə edirəm. İsrail tamaşaçılarını Azərbaycan klassik musiqisi ilə də tanış etmək istərdim. Bu ölkədə yaşayan soydaşlarımızdan Üz.Hacıbəyovun "Arşin Mal Alan" operettasını, "Min bir gecə", "Yeddi gözəl" baletlərini görmək arzusunda olduqlarını dəfələrlə eşitmişəm.”- deyə müğənni vurğulayıb.