Xalq rəssamı Əşrəf Heybətov “Qarabağda Qələbə Günü” adlı genişmiqyaslı panno hazırlayıb.
“Bu rəsm əsərində hamımız üçün əziz olan Şuşanın bütün simvollarını təsvir etdim, onun azad edilməsi azərbaycanlıların yaralı ürəyinə məlhəm oldu. Burada pannonun mərkəzi hissəsində milli musiqimizin banisi Üzeyir Hacıbəyli və Qarabağ xanının qızı Natəvan yer alır. Əlbəttə, Şuşanın əfsanəvi "Xarı Bülbül" çiçəyini təsvir etməyə bilməzdim. Cəsarətli əsgərlərimiz sayəsində tarixi qələbə qazandıq və təbii ki, mən Qarabağı qoruyan xilaskar döyüşçüləri göstərməyə bilməzdim”. Bu sözləri Azərbaycanın Xalq rəssamı, UNESCO Rəssamlar Federasiyasının, Rusiya Rəssamlıq Akademiyasının, Almaniya Rəssamlar Birliyinin üzvü, “Sülh Səfiri” Beynəlxalq diplomunun sahibi, Almaniyada yaşayan məşhur fırça ustası Əşrəf Heybətov müəllifi olduğu “Qarabağda Qələbə Günü” adlı genişmiqyaslı panno haqqında deyib.
Xalq rəssamı Əşrəf Heybətov “Qarabağda Qələbə Günü” adlı genişmiqyaslı panno kompozisiyasını alleqoriya, metafora və rəmzlərə əsaslandığını deyib...
Nigar Babayeva