19 dekabr tarixində “Mədəniyyət” kanalının yeni layihəsi olan, Azərbaycanda ilk dəfə keçirilən Azərbaycan Vokalçıları Festivalı çərçivəsində Üzeyir Hacıbəyov adına Bakı Musiqi Akademiyasında (BMA) ustad dərsi keçirilib.
SSRİ Xalq artisti, professor Fidan Qasımova və Xalq artisti, professor Xuraman Qasımova vokal sənətinin sirlərini tələbələrlə paylaşıb. Ustad dərsində, həmçinin müxtəlif ifa texnikaları müzakirə olunub, tələbələrə düzgün ifa maneraları təbliğ olunub. Ustad dərsində dinləyici qismində təkcə tələbələr deyil, həmçinin Akademiyanın müəllim kollektivi də iştirak edib.
Axşam saat 17:00-da isə Kamera və Orqan Musiqisi zalında BMA-nın tələbələrinin konserti keçirilib. Konsertdə həm Azərbaycan, həm də Qərbi Avropa bəstəkarlarının klassik əsərləri səslənib. Konsertin sonunda Bakı Musiqi Akademiyasının “Limuneux” vokal ansamblının ifası alqışlarla qarşılanıb.