Dekabrın 20-də Beynəlxalq Muğam Mərkəzinin "Unudulmayanlar" layihəsi çərçivəsində Xalq artisti, görkəmli xanəndə Əbülfət Əliyevin xatirəsi yad ediləcək.
Tədbirdə Əbülfət Əliyevin ömür yolundan və Azərbaycan muğam sənətinin təbliğindəki rolundan söz açılacaq.
Azərbaycanın muğam, sənət beşiyi Şuşanın musiqi mədəniyyətimizə bəxş etdiyi görkəmli sənətkarlar arasında mahir xanəndə Əbülfət Əliyevin məxsusi yeri var. Həzin, məlahətli səslə ifa etdiyi muğam və təsniflər, xalq mahnıları bu gün də yaddaşlarda yaşayır. Ə.Əliyev həm də opera səhnəmizin sevilən və arzulanan sənətkarlarından olub.
Biletləri iTicket.az və şəhərin bütün kassalarından əldə etmək mümkündür.