Bu gün Azərbaycan Televiziyası “Mədəniyyət” kanalının yeni layihəsi – Azərbaycan Vokalçıları Festivalının açılış mərasimi olacaq.

Mədəniyyət Nazirliyinin dəstəyi ilə keçirilən festivalın açılış mərasimi bu gün saat 19:00-da Müslüm Maqomayev adına Azərbaycan Dövlət Akademik Filarmoniyasında keçiriləcək.

Qeyd edək ki, festival dekabrın 24-dək davam edəcək. Festivalın ideya müəllifi və bədii rəhbəri “Mədəniyyət” kanalının direktoru Ramil Qasımovdur.

Festivalın əsas məqsədi Azərbaycan klassik musiqisinin inkişafı və təbliğ etdirilməsi, gənc nəsildə yüksək musiqi zövqünün formalaşdırılmasıdır.