Sumqayıt Şəhərinin 70 illiyi təntənəli şəkildə qeyd olunub. Bu gün prezident İlham Əliyev yubiley mərasimində və bir sıra sosial obyektlərin açılışında iştirak edib.
Azərbaycan Respublikasının Prezidenti İlham Əliyev noyabrın 21-də Sumqayıt şəhərində səfərdə olub.
AZTV.AZ xəbər verir ki, dövlət başçısı ümummilli lider Heydər Əliyevin şəhərin mərkəzində ucaldılmış abidəsini ziyarət edib, önünə gül dəstəsi qoyub.
Daha sonra Sumqayıt Dövlət Dram Teatrında şəhərin 70 illiyinə həsr olunmuş tədbirdə iştirak edən İlham Əliyev bütün sumqayıtlıları təbrik edib, onlara yeni uğurlar və qələbələr arzu edib.
Prezidenti İlham Əliyev “Nizami” kinoteatrının yeni binasının açılışında da iştirak edib.
Dövlət başçısı kinoteatrın binasının rəmzi açılışını bildirən lenti kəsib.
Sonra Prezident İlham Əliyev Sumqayıt Muğam Mərkəzinin açılışında iştirak edib.
Ölkə başçısı Muğam Mərkəzinin rəmzi açılışını bildirən lenti kəsib, burada yaradılan şəraitlə tanış olub.
Daha sonra Prezident İlham Əliyev Sumqayıt Dənizkənarı Bulvar Kompleksinin yeni salınmış hissəsində yaradılan şəraitlə tanış olub.