Pakistanda davam edən şiddətli daşqın ölkənin tarixi irsini təhlükə altına qoyub

31 Avqust, 16:59 Sosial mediada paylaşın:

Pakistanda milyonlarla insana ziyan vuran sel fəlakəti ölkənin tarixi irsini də yox olmaq təhlükəsi ilə üz-üzə qoyub.

Güclü yağışlar Hind sivilizasiyasının ən böyük şəhərlərindən biri kimi tanınan Mohenco-Darodaki tarixi ərazilərə də ziyan vurub. Toplanan su həm də qədim şəhərin divarlarının əyilməsinə səbəb olub.

Pakistanın milli mətbuatında yer alan xəbərlərə görə, hökumət və qeyri-hökumət təşkilatları musson yağışları səbəbindən milyonlarla insana yardım çatdırmaq üçün mübarizə aparır. Daşqınlardan zərər çəkmiş Sind əyalətinin müxtəlif bölgələrindəki tarixi abidələrin də təcili qayğıya ehtiyacı var. Bölgədəki bir çox qalalar, ziyarətgahlar və müxtəlif tarixi xarabalıqlar yox olmaq təhlükəsi ilə üz-üzədir. Eyni zamanda, Sind əyalətinin Larkana şəhərində yerləşən 5000 illik qədim Mohenco-Daro şəhəri sel sularının təsirinə məruz qalıb.

Səlahiyyətlilər, daşqınların tarixi abidələrə və indiyədək aparılan bərpa işlərinə böyük miqyasda ziyan vurduğunu bildirib.

Qeyd edək ki, Pakistanda iyunun 14-dən bəri davam edən musson yağışları nəticəsində 1162 nəfər ölüb, 33,4 milyon insan zərər çəkib.

CANLI YAYIM