“YARAT”da ölkəmizə həsr edilən sənədli filmlər silsiləsi göstəriləcək

9 Yanvar, 10:55 Sosial mediada paylaşın:

Yanvarın 14-də “YARAT” Müasir İncəsənət Mərkəzində ssenari müəllifi və rejissoru Elvin Mirzəyev olan “Qafqazın maddi mədəniyyət inciləri” adlı sənədli filmlər silsiləsi təqdim olunacaq.

Ekran əsəri insan təsirinin izləri olan müəyyən qədim obyektlərin və qazıntılar nəticəsində tapılmış arxeoloji abidələrin öyrənilməsinə yönəlib. Layihə əsrlər və minilliklərin dərinliklərinə baş vurur, təkcə lokal yox, həm də dünya miqyasında mühüm əhəmiyyət kəsb edən hər şeyin yaranışının müxtəlif versiyalarını nəzərdən keçirir.

Sözügedən filmlər toplusu Cənubi Qafqazın əhəmiyyətli bir hissəsi olan Azərbaycana həsr edilib.

İdeya müəllifi Vüqar Xəlilov olan filmlərin operatorları Rauf Hüseynov, Rəşad Ağaquluyev, Feyruz Rəhimov, Seymur Quliyev, prodüseri Renat Əhmədovdur.

CANLI YAYIM