44 günlük Vətən Müharibəsinin şəhid qəhrəmanlarının təbliği, tanıdılması məqsədi ilə müxtəlif layihələr, tədbirlər həyata keçirilir. Maraqlı təşəbbüslərdən biri də şəhidlərin fotolarının tablolar üzərinə köçürülməsidir.

Xalça üzərində əks etdirilən fotolar... Fərqli simalar, eyni talelər... Bu fotoların sahiblərini bir amal birləşdirir - Vətən uğurunda canını fəda etmək...

Layihənin ideya müəllifi Əhməd Hüseynov bildirib ki: Məqsədimiz şəhidlərin şəkillərini ailələrinə, ünvanlarına çatdırıb, şəhidlərimizin analarına, övladlarına təsəlli verməkdir. Ümumulikdə, 3500-dən çox xalça hazırlanıb. Şəhidləri tanıyan qardaş və bacılar bizə yaxınlaşıb xalçaları götürə bilərlər.

Bu xalçalar arasında iş yoldaşlarımız Sırac Abışov, Məhərrəm İbrahimov və onlar kimi minlərlə vətən oğlunun fotosunu, döyüş səhnələrini əks etdirən tablolar  görmək mümkündür. Xalça şirkəti bu tabloların hər birini şəhidlərin ailələrinə təmənnasız şəkildən təhvil verir.

Şəhid qəhrəmanların yarıda qalan ömürləri indi xatirələrdə, xalça  üzərinə köçürülən tablolarda yaşayacaq.  

Vətən müharibəsinin şəhid qəhrəmanlarının tanıdılması məqəsdi ilə həyata keçirilən bu layihə çərçivəsində şəhid qəhrəmanların fotoları xalça tablolar üzərinə köçürülərək ailələrinə təhvil verilir. Hazırda burada 400-500-ə yaxın foto qalıb ki, onların da yaxın vaxtlarda ailələrə təhvil verilməsi planlaşdırılır.