Sentyabrın 18-də keçirilməsi planlaşdırılan 75-ci "Emmi" televiziya mükafatının təqdimat mərasimi təxirə salınıb.
Bu barədə "Associated Press" agentliyi məlumat yayıb. Buna səbəb isə Hollivudda aktyor və ssenari müəlliflərinin tətil etməsi olub.
Bildirilib ki, mərasim yanvarın 15-də Sakit okean vaxtı ilə saat 17:00-dan 20:00-a kimi "Fox" telekanalında yayımlanacaq. Tədbirin yeni tarixi afroamerikalı hüquq müdafiəçisinin doğum gününə həsr olunmuş ictimai bayram olan Martin Lüter Kinq Gününə təsadüf edir.