Ceyms Bond silsiləsinin son filmi olan “Ölmək vaxtı deyil”də istifadə edilən avtomobil İngiltərənin paytaxtı Londondakı hərrac evində satışa çıxarılıb.
Daniel Kreyqin baş rolda oynadığı Britaniya xüsusi təyinatlısı Ceyms Bond haqqında çəkilən silsilə filmlərin 25-ci seriyasında istifadə edilən avtomobil 3.5 milyon dollara yaxın məbləğə satılıb. Filmdə həyəcanverici qaçış səhnələrində istifadə olunan avtomobil Aston Martin tərəfindən filmdəki kaskadyorlar üçün xüsusi olaraq hazırlanıb.