Cəfər Cabbarlı adına Azərbaycan Dövlət Teatr Muzeyində Xocalı soyqırımının 30 illiyinə həsr olunmuş “Unutmarıq” adlı tədbir keçirilib.
Əvvəlcə Dövlət Himni səsləndirilib və şəhidlərin xatirəsi bir dəqiqəlik sükutla yad edilib.
Tədbiri giriş sözü ilə muzeyin direktoru, Əməkdar mədəniyyət işçisi Sevinc Mikayılova açaraq Xocalı faciəsi haqqında məlumat verib.
Tədbirdə Xocalı faciəsinin canlı şahidi olmuş “Erməni zindanında 8 gün” kitabının müəllifi Dürdanə Ağayeva əsirlikdə olduğu müddətdə başına gələn hadisələrdən danışıb. Bundan başqa Xocalı sakinləri Elşad Ağayev, Sevda Kərimova, Mürvət Məmmədov, Vərziyar Əliyeva və İman Allahverdiyev faciə zamanı şahidi olduqları erməni terrorizminin dəhşətlərindən söhbət açıblar.
Tədbir çərçivəsində muzey əməkdaşları tərəfindən hazırlanmış Xocalı hadisələrini əks etdirən videoçarx nümayiş olunub. Daha sonra tədbir Xocalı şəhidlərinin xatirəsinə ithaf olunmuş kompozisiya ilə davam etdirilib.
Fotolar Rüstəm İsmayılovundur