“Oskar” mükafatlı ssenarist Qrem Murun rejissorluğu ilə kriminal janrında çəkilmiş “Geyim” (The Outfit) filminin yeni treyleri paylaşılıb.
Professional bir dərzinin qanqster ailəsi ilə keçirdiyi macərasından bəhs edən filmin ssenarisini Qrem Mur və Conatan Makkleyn yazıb.
Filmdə baş rolu “Oskar” mükafatlı aktyor Mark Rylance ifa edir.
“Geyim” filminin süjet xəttinə görə Londonun ən məşhur dərzilərindən biri olan Leonard (Mark Rylance) üzləşdiyi bir faciədən sonra Çikaqoya köçür.
Köməkçisi (Zoey Deutch) ilə kiçik dərzi dükanı işlədən və zəngin insanlar üçün gözəl paltarlar tikən Leonardın ən önəmli müştəriləri bir qanqster ailəsinin üzvləridir.
Bir gecə, iki qatil Leonardın lütfünə ehtiyacı olduğu üçün qapısını döyür və bununla da o, özünü ölümcül bir qətl oyununda tapır...