Məşhur animasiya filmi “Bob's Burgers” yeni bölümü ilə böyük ekranlara gəlir. Filmin ilk videoçarxı nümayiş olunub.
İki Emmy mükafatı qazanan The Bob's Burgers Movie” filminin ilk videoçarxı təqdim olunub. 2011-ci ildən bəri 12 mövsümdür yayımlanan ekran işi komediya serialından uyğunlaşdırılıb. Tina, Gene və Louise adlı üç maraqlı uşağı olan Bob və Linda Belçer dənizkənarı qəsəbədə hamburger restoranı işlədirlər. Animasiya da onların macəralarından bəhs edir. Restoranın yuxarı mərtəbəsində yaşayan ailə çox dadlı hamburgerlər hazırlasa da, satışda o qədər də uğurlu deyil. Filmdə Bob və Linda restoranın bağlanmasının qarşısını almağa çalışır. Ekran işi ilk dəfə mayın 27-də ABŞ kinoteatrlarında nümayiş olunacaq.
Fəridə Hüseynli