“Google” şirkəti 2021-ci ildə dünyada ən çox axtarılan filmlərin adların açıqlayıb.
AZƏRTAC xəbər verir ki, “Google”un açıqladığı məlumatlara görə, 2021-ci ildə istifadəçilər tərəfindən ən çox axtarılan 10 film arasında çinli rejissor Chloe Zhaon tərəfindən çəkilən “Marvel”in istehsal etdiyi “Eternals” (“Əbədilər”) filmi ilin ən çox axtarılan ekran əsəri olub. Həmçinin daha iki “Marvel” filmi istifadəçilər tərəfindən ən çox axtarılan ilk 10 film siyahısına daxil edilib.
Siyahıda ikinci sırada avstraliyalı ssenarist, kinorejissor Cate Şortlandın çəkdiyi “Black Widow” (“Qara dul”) yer alıb.
Amerikan yazıçı Frank Herbertin 1965-ci ildə yazdığı elmi fantastik janrda olan “Dune” romanı əsasında Kanadalı rejissor Denis Villeneuvenin çəkdiyi eyniadlı film isə “Google” istifadəçiləri tərəfindən ən çox axtarılan üçüncü film olub.
Siyahının 4-cü və 5-ci yerlərində “Shang-Chi and the Legend of the Ten Rings” və “Red Notice” filmlərinin adları qeyd olunub.