Noyabrın 21-də Azərbaycan Dövlət Gənc Tamaşaçılar Teatrının repertuarında maraqlı tamaşalardan sayılan “Mən öləndə ağlama” tamaşası sənət ocağının kiçik səhnəsində nümayiş olunacaq.
Yazıçı Pərvin Nurəliyevanın pyesi əsasında səhnələşdirilən eyniadlı tamaşanın quruluşçu rejissoru Ayla Osmanovadır.
Monotamaşada gənc və istedadlı aktrisa Səbinə Məmmədova maraqlı obraz yaradıb.
Qeyd edək ki, tamaşanın premyerası 2019-cu ilin martın 29-da Gənc Tamaşaçılar Teatrının kiçik səhnəsində reallaşıb.