AzTV-nin yeni “Oxuyan Vətən” layihəsi çərçivəsində sözləri Xalq şairi Nəbi Xəzriyə, musiqisi Xalq artisti Müslüm Maqomayevə aid olan “Azərbaycan” mahnısının yeni ifada və fərqli təqdimatda klipi çəkilib.
Heydər Əliyev Sarayından AZƏRTAC-a bildirilib ki, layihədə sözügedən musiqiyə məşhur vokal ifaçısı, Əməkdar artist Ramil Qasımov fərqli təqdimatı ilə yeni nəfəs verib.
Çəkilişlər Azərbaycan mədəniyyətinin paytaxtı Şuşa şəhərinin Cıdır düzündə aparılıb. Zəfər Gününə həsr olunan klip noyabrın 8-də Azərbaycan Televiziyasında yayımlanacaq. Klipin quruluşçu rejissoru Elnur Qədirovdur.