Ay təqvimi ilə Yeni il Şərqi Asiya ölkələrində, xüsusən də Malaziyada böyük təmtəraqla qeyd olunur. Hər il ənənəvi Çin aslan rəqsləri ilə tamaşalar qoyulur. Ancaq bu il koronavirus pandemiyası ilə əlaqədar ay təqviminin yeni ili fərqli qaydada keçirilir.
Şərqi Asiya ölkələrin ən əziz bayramı olan ay təqvimi ilə keçirilən yeni il bir çox ənənələri ilə zəngindir. Evlər, küçə və meydanlar, parklar kağızdan hazırlanmış qırmızı fənərlərlə bəzədilir, qapı və pəncərələr qırmızı rənglə boyanır. Ənənəvi Çin aslan rəqsi uzun müddət cənub-şərqi Asiya xalqında şənliklərin bir hissəsi olub. Bu bayram ərəfəsində dünyanın ən yaxşı aslan rəqs truppalarından biri olan Kun Seng Keng Lion və Dragon Dance, Malayziyada koronavirus pandemiyası ilə əlaqədar tamaşalarını dayandırıblar.
Qeyd edək ki, hər il Malaziyada ay təqvimi ilə keçirilən yeni il böyük təmtəraqla qeyd olunur. Əhalinin sadiq qaldığı bir neçə adət var. Bayram günləri qonaq getmək, böyükləri ziyarət etmək çox vacibdir. Bu il isə hökumət, 10 kilometr radiusda yaşayan 15-ə qədər ailə üzvünün görüş naharı üçün toplanmasına icazə verib.
Kazım Quliyev