COVİD-19 pandemiyasının ilk qeydə alındığı Çinin Uhan şəhərində karantinlə bağlı film çəkilib.
Boş küçələr, hərəkətsiz qatarlar, avtomobilsiz yollar, xəstələri daşıyan təcili yardım maşınları, qoruyucu kostyumlar geyinmiş tibb işçiləri... Bütün bunlar 11 milyon əhalisi olan, koronavirus pandemiyasının mərkəzinə çevrilmiş meqapolisin real görüntüləridir.
Çinli rejissor Ay Veyvey "Tacqoyma" sənədli filmində Uhan əhalisinin və bütün ölkənin sərt karantin vaxtı yaşadığı anları göstərir. Rejissor söyləyir ki, film üzərində işləri yaradıcı və texniki heyət məsafədən həyata keçirib. Rejissorun sənət dostları onlayn vasitəsilə ona yaxından kömək olub.
Filmdə xəstələrin və həkimlərin yaşamaq uğrunda mübarizəsi də yer alıb. "Tacqoyma" sənədli filmini onlayn platformalarda izləmək mümkündür.
Ülviyyə Heydərova