Yeni il ərəfəsində Rusiyanın “Soyuzmultfilm” kinostudiyası sevimli cizgi film qəhrəmanı Çeburaşkanın yeni macəralarını ekranlaşdıracaq.
Timsah Gena ilə balaca Çeburaşka bu dəfə Bayramın sirrini öyrənməyə çalışacaqlar. Yaradıcı heyət sirri açmasa da cizgi filminin sonunda dostluğun yenidən qələbə çalacağını qeyd edib. “Çeburaşka. Bayramın sirri” adlanan 6 dəqiqəlik yeni seriya üzərində rəssamlar 4 ay işləyiblər. İlk növbədə, animasiya filminin orijinal atmosferini saxlamağa çalışıblar. “Soyuzmultfilm” studiyasının Çeburaşka üçün uzunmüddətli planları olsa da, 2023-cü ilə qədər personajın müəllif hüquqları Yaponiyaya aiddir. Lakin rus müəlliflər elm dünyasına məlum olmayan canlı - Çeburaşka haqqında uzunmetrajlı serial çəkmək fikrindədirlər. Yeni seriya isə 31 dekabrda tamaşaçılara təqdim olunacaq.