Macarıstanın Azərbaycandakı səfirliyində Əməkdar artist, dirijor Əyyub Quliyev xüsusi mükafatla təltif olunub. Mərasimində çıxış edən Macarıstan səfiri Viktor Sederkenyi iki ölkə arasındakı münasibətlərin, sıx əməkdaşlığın mədəni inkişafa verdiyi töhfələr barədə danışıb. Əyyub Quliyevin bir musiqiçi kimi macar incəsənətinə gösrətdiyi diqqətin yüksək qiymətləndirildiyini vurğulayıb. Klassik macar musiqisinin Azərbaycanda təbliğ olunmasındakı misilsiz xidmətlərə görə dirijorun Macarıstan prezidenti Yanoş Ader tərəfindən mükafatlandırıldığını bildirib və ona “Qızıl Xaç Ordenini” təqdim edib. Əməkdar artist Əyyub Quliyev də, öz növbəsidə, Macarıstan prezidentinə və cənab səfirə onun işinə göstərilən etimada görə minnətdarlığını çatdırıb.
Xavər Zairova
Fotolar Rüstəm İsmayılovundur