Televiziya sahəsinin nüfuzlu “Emmi” mükafatları sahiblərinə təqdim olunub. Bu il pandemiya ilə əlaqədar olaraq, ilk dəfə virtual formatda təşkil olunan mərasim maraqlı anlarla yadda qalıb.
Sayca 48-ci dəfə təşkil olunan beynəlxalq “Emmy” mükafatları qaliblərinə təqdim olunub. Lakin mükafatlandıma mərasimi pandemiya səbəbilə Kinoakademiyanın rəsmi saytında onlayn formatda keçirilib. 20 müxtəlif ölkədən 40-dan çox namizədin qoşulduğu virtual tədbirdə biri xüsusi akademiya mükafatı olmaqla, 11 ayrı kateqoriyada 12 “Emmy” heykəlciyi təqdim olunub. “Ən yaxşı aktyor” adına Billi Barrat layiq görülüb, “ən yaxşı aktrisa” isə Qlenda Cekson seçilib. Bu il mükafat tarixində ilk dəfə olaraq Hindistan istehsalı olan “Dehli cinayəti” adlı serialı “ən yaxşı dram seriyası” kateqoriyasında qalib gəlib. Komediya sahəsində əsas mükafat isə Braziliya serialına verilib. Ümumilikdə, ən çox qızıl “Emmy” heykəlciyini qazanan ölkələrin ilk üçlüyündə Böyük Britaniya, Braziliya və ABŞ qərarlaşıb.