Hollivud ulduzu Cud Lu çəkildiyi “Yuva” filmiylə növbəti dəfə tamaşaçılarını təəccübləndirib.
“Çoxqatlı” və “həqiqət” sözləri ssenarisi və rejissoru Şon Durkinə aid olan, Cud Lunun baş rolu canlandırdığı “Yuva” filmində açar sözdür.
Dram jarında olan filmdə, həmçinin akrtisa Kerri Kun da çəkilib. Ekran əsəri yalan üstündə qurulan evlilikdən bəhs edir. Filmdə hadisələr 1980-ci illərdə İngiltərədə baş verir.
Cud Lunun sözlərin görə, “Yuva” onun üçün böyük təcrübə olub və filmin yaradıcı heyətində olmaqdan son dərəcə böyük qürur hissi keçirir. Aktyor həmçinin vurğulayıb ki, rolun öhdəsindən layiqincə gəlmək üçün rejissor da çəkiliş meydançasında son dərəcə yaradıcı ab-hava yaradıb.
“Yuva” filmi hələ yeni mövsüm açılandan böyük səs-küy yaradıb. Cud Lu və Kerri Kun bu filmə görə nüfuzlu Qotem mükafatına layiq görülüblər.
Bu gündən rəqəmsal yayıma başlayan filmin premyerası bu il yanvar ayında Sundance Film Festivalında keçirilib.
Ülviyyə Heydərova