“Mədəniyyət” kanalının direktoru, Əməkdar artist Ramil Qasımov daha bir klassik musiqi əsərinə müraciət edib.
R.Qasımov bu dəfə musiqisi Cahangir Cahangirova, sözləri İslam Səfərliyə aid olan “Ana” mahnısını yeni aranjemanda, özünəməxsus şəkildə ifa edib. 60-cı illərdə bəstələnən mahnının ilk ifaçısı dünyaşöhrətli müğənni Rəşid Behbudov olub. Əsər yenidən aranjeman olunaraq yeni alətlər əlavə edilib.
Ramil Qasımov sözügedən mahnını şəhid analarına ithaf edib.