Bakı Şəhər Mədəniyyət Baş İdarəsinin Fikrət Əmirov adına 6 nömrəli onbirillik incəsənət məktəbində “Heydər Əliyev İli” çərçivəsində “Sən elə bir zirvəsən” adlı tədbir keçirilib.
Baş İdarədən bildirilib ki, əvvəlcə qonaqlar Ulu Öndər Heydər Əliyevin həyat və fəaliyyətinə həsr olunmuş fotosərgiyə baxıblar.
Tədbirin əvvəlində nəzəriyyə ixtisası üzrə müəllim nüfuzlu siyasi xadim, Ümummilli Lider Heydər Əliyevin mənalı ömür yolu, dövlət və xalq qarşısında yorulmaz fəaliyyəti və sözlə ifadə olunmaz xidmətlərindən bəhs edib. Onun Azərbaycan mədəniyyətinə bəxş etdiyi töhfələr, mədəniyyət xadimlərinə olan qayğı və dəstəyi xüsusi vurğulanıb.
Sonra böyük şəxsiyyətin sevdiyi bəstəkarların əsərlərindən ibarət musiqi çələngi təqdim olunub. Çıxışlar maraqlı videoçarxlarla müşayiət olunub.
