"Blade" filminin yay aylarında başlaması planlaşdırılan çəkilişləri gecikmişdi və ekran əsərinin bir hissəsi cari ilin noyabrında ABŞ-ın Atlanta şəhərində çəkiləcək.

Rejissor Bassam Tariq "Blade" filminin çəkilişlərindən imtina edib. Hazırda “Marvel” studiyası “Blade” üçün yeni rejissor axtarır.

Studiyanın bununla bağlı açıqlamasında deyilir: “İstehsal planımızda davam edən dəyişikliklərə görə, Bassam daha filmin rejissoru kimi işini davam etdirməyəcək, lakin ekran işinin icraçı prodüseri olaraq qalacaq. Biz Bassamın istedadını və “Blade”ni olduğu yerə çatdırmaq üçün gördüyü bütün işləri yüksək qiymətləndiririk”.

Ekran əsərində “Blade”nin böyük məqsədi, onu dünyaya gətirərkən vampir tərəfindən öldürülən anasının qisasını almaq üçün bütün dünyanı vampirlərdən təmizləməkdir. Filmdə həmçinin məşhur simalar - Delroy Lindo və Harun Pyer də rol alıblar.