Azərbaycan mətbəxinin bir-birindən ləzzətli təamları istər ölkəmizdə, istərsə də, ölkə hüdudlarından kənarda sevilir. Bunu müxtəlif ölkələrdə keçirilən kulinariya festivalları da sübut edir.

Dərbənddə də Azərbaycan yeməklərinin təqdim olunduğu ümumşəhər plov festivalı keçirilib. Festivalda Azərbaycan, ləzgi, tat və tabasaran xalqlarının nümayəndələri plovun milli növlərini təqdim ediblər. Tədbirin məqsədi turistləri maksimum dərəcədə cəlb etmək, qonaqlara bizim qastronomiyamızı göstərmək və tanıtmaq olub. Həmçinin, burada Dağıstanın xalq sənətkarlığı, rəsm qalereyası, teatr nümunələri də nümayiş olunub.